Hnahthial Post | March 17, 2026, Aizawl: Pi Lalrinpuii, Hon’ble Minister, H&FW Department chuan vawiin 17th March, 2026 (Thawhlehni) hian State Resource Centre for HIV/AIDS Building thar a hawng.
Pi K. Lalrinzuali, IAS, Commissioner & Secretary, H&FW Dept. chuan hawnna Programme hi kaihruaiin, Mizoram State AIDS Control Society in chak zawka hma an lak theih nan anmahni pual bik Building “State Resource Centre for HIV/AIDS” hmun, Mizoram New Capital Complex (MINECO) ram chhung ami 445.23 Sq. Metre a zau, MINECO Management Committee in 29th July, 2020 a a pek a ni a. A building hi Ministry of Development of North Easter Region (MDoNER) fund a\angin Rs. 4,00,00,000/- (Cheng Vaibelchhe Li) a sak a nih thu a sawi.
Pi Lalrinpuii, Hon’ble Minister, H&FW Department chuan kum 20 chhungin MSACS chu vawi nga an insawn kual thu leh awmna mumal nei mang lova an awm changte pawh a awm thu sawiin, mahni puala building an nei thei hi a lawmpui thu a sawi a, programme chak leh zuala kalpui turin MSACS a thawk tute duhsakna a hlan bawk.
Building hawnna programme-ah hian Dr. Jane R. Ralte, Project Director, MSACS chuan Pi Lalrinpuii, Hon’ble Minister, H&FW Department hnenah “Women Icon Award” a dawn avanga lawmpuina thilpek a pek bakah MSACS Project Director lo ni tawh \hin te hnenah chawimawina thilpek a hlan bawk.
He Programme-ah hian Pi B. Vanlalhruaii, Superintending Engineer (S.E) PWD hnen a\angin building sak dan chungchang report kimchang a pe bawk a ni.
Tags
News