Pu B.Lalchhanzova’n a bial chhunga Thalai hlawhtlinna chang te lawmpuina hun a hmanpui

Hnahthial Post | March 17, 2026, Aizawl: Aizawl East II Bialtu MLA Pu B.Lalchhanzova chuan vawin March ni 17, 2026 chhun dar 1:00 khan a pisaah a bial chhunga Thalai tun hnaia hlawhtlinna hmu tharte chawimawina leh lawmpuina hun a hmanpui. Pu B.Lalchhanzova chuan thu sawiin thalaite chu kan ram leh hnam hmabak te an ni a, kan ram in hma a sawn dawn chuan thalai te an fel angaia Thalai te pangchang lo tura chahin rilru huaisen tak pu se a duh thu a sawi. Heng hlawhtlinna an chan atanga mi te tanpuina rilru pu tur leh theihtawp a midang tana malsawmna ni tura luangchhuak turin a chah a, midang te tana luangchhuak te nunah hian malsawmna a tam thin tih a sawi a ni.

Pu Zoramchhana, AMC Ward IX , ZPM Candidate pawn thu sawiin Bialtu MLA bengvartak an nei chu lawmawm a tih thu sawiin an bial thalai te chu rual elna tha nen hmasawn zel turin a chah a. Taihmakna tello chuan hlawhtlinna a awm theih loh thu sawiin taima tur leh ruihlo laka fihlim turin thalaite chu a chah a ni.

Lawmpuina hi Chawngthu Lalrinhlua MCS, Lalremsiami, MIS, Jonathan Zomuanpuia 7th UMAI National Muaythai Championship, 2026 ah gold medalist, Mercy Lalramhmachhuani, Zothansangi leh Hmangaihsangi Under 23 One day Plate Group Champion team a tel te leh H.Malsawmdawngfamkima, Mizoram Cricket Academy a coach te an ni.

He hunah hian MLA chuan a bial chhunga thalai hna zawng mek te Staff Selection Commission (SSC) exam inbuatsaihna kawnga an inbuatsaihna pui tu atan Chase Academy, Vaivakawn nen thuthlung an ziak bawk a ni.