Hnahthial Post | March 7, 2026, Aizawl: Vice President Pu C.P. Radhakrishnan chuan vawiin khan Mizoram University (MZU) Convocation vawi 20-na, Multipurpose Hall, MZU Campus, Tanhrila neih chu Khuallian niin a hmanpui. He hunah hian Larsap General (Dr) Vijay Kumar Singh, PVSM, AVSM, YSM (Retd), Chief Rector of Mizoram University leh Chief Minister Pu Lalduhoma te chu Khualzahawm an ni.
.jpeg)
Vice President Pu C.P. Radhakrishnan chuan India hmarchhaka thiamna sang zawk zirna in tha leh campus nei tha berte zinga mi Mizoram University-a convocation a hmanpui thei chu lawmawm a tih thu sawiin, nakin lawka ram leh hnam bakah mahni mihring puite rawngbawl sak tur thalaite nena hun hman chu nuam a tih zawng a nih thu a sawi a. Hlawhtlinna chang zawng zawngte thinlung taka a lawmpui thu sawiin, an phena awm tlat nu leh pa leh zirtirtute chu fakawm a ti a. Degree chu zir zawh entirna certificate mai ni lo, hmathar lakna tur entirna certificate a nih thu a sawi a. Convocation chu hlimna hun leh kalzelna tura mawhphurhna thar lakna hun a ni, a ti bawk.
.jpeg)
Vice President chuan India rama remna thuthlung ziah hlawhtling berte zinga mi Mizoram Peace Accord 1986 chuan inremlohna dawhkan hmanga chinfel theih a nihzia a lantir tih a sawi a. Zirna than zel nan muanna a pawimawh thu leh hmasawn nan ram ralmuang nih a tul thu a sawi a. Act East Policy-in hmarchhak state-ah danglamna nasa tak a thlen thu leh Asia chhim chhak ramte luhka pawimawh tak a nih tir thu a sawi a. Prime Minister kaihhruaina hnuaiah hmar chhak chu India rama hmasawnna bung pawimawh a nih thu sawiin, Bairabi-Sairang railway line hawn tak chuan ram zalen kan nih atanga kum 78 hnuah Indian railway map-ah Aizawl a chuantir a, mellung pawimawh tak a ni, a ti a. Zalenna hmuh atanga kum 100-na 2047 ah India chu ram intodelh leh hmasawn 'Viksit Bharat' a siam tumin sawrkarin theihtawp a chhuah tih sawiin, hei hi sawrkar programme mai a ni lova, kan zavaia tanrualna tur anih avangin thalaite'n mawhphurhna nasa tak an nei, a ti bawk.
.jpeg)
Pu C.P. Radhakrishnan chuan thalaite chu hna zawngtu nih ngawt tum lova, a siam saktu nih tum tur leh, remchanna zawngtu aia siam saktu nih tum turin a fuih a. Hmarchhak state te'n theihna nasa tak an nei tih sawiin, thalaite hmelma lian ruihhlo erawh nasa zawka do tlan a tul tih a sawi a. Zirlaite chu a eng zawnga hmalam thlir turte, tunlai thiamna chhuak thar apiang thiam bel tum turte, hun vawng dik tur leh social media hman chin tawk hre turtein a chah a. India rama ziak leh chhiar thiam tamna ber leh a ram zau zawng atanga teha ramngaw nei tha a ni chu chhuanawm a tih thu sawiin, thalaite chu hmasawnna tlo leh ngelnghet, chhehvela thil awmte tibuai lo zawnga hma la turin a fuih bawk.
.jpeg)
Larsap General (Dr) Vijay Kumar Singh (Retd) chuan convocation chu kum engemawchen inthununna, beih hram hramna, hmasawnna leh tumruhna ataka lan chhuahna hun mai bakah, hmasawn zel tura bultanna thar a ni, a ti a. MZU-in kawng hrang hranga hmasawnna a hmuh thu sawiin, tun dinhmunah chuan hmarchhak state-a zirna sang zawk zawm theihna ngaihhlut leh thang duang berte zinga mi a ni, a ti a. Mizoram University-in NAAC A+ grade a hmu chu lawmawm tiin, zirna bakah vantlang rawngbawlna kawnga an hmalaknate fakawm a ti a. Zirlaite chu khawvel hmasawn leh inthlak danglam zel mila insiamrem thiam turin a fuih a. Degree chuan mawhphurhna a kengtel tih sawiin, an thiamna leh finnate chu midang rawngbawl sak nana hmang tur leh Tlawmngaihna nunpui tlat thin turin a chah a ni.
.jpeg)
Thusawitu dang Chief Minister Pu Lalduhoma chuan zirlai hlawhtling thar zawng zawngte a lawmpui thu sawiin, convocation hmanpui tura lokal Vice President Pu C.P. Radhakrishnan chungah lawmthu a sawi bawk a. Zirna tihhmasawn kawnga Mizoram sawrkar hmalaknate tarlangin, Mizoram Engineering College chu kumin atangin class tan tum a nih thu leh Mizoram State University kalpui tura hmalak zel a nih thu a sawi a. Mizoram sawrkar flagship scheme Handholding chu thalai, mahni kea ding tura theihna leh thiamna neite tana buatsaih a nih thu sawiin, scheme hmang tangkai turin thalaite a sawm a. University naupangte ni chunga Mizoram University-in NIFR 2025 ranking-ah India rama University tha 82-na a hauh pha chu chhuanawm tiin, hetiang dinhmun thleng thei tura thawktu zawng zawngte chungah lawmthu a sawi a, an kalzelna turah duhsakna a hlan a ni.
.jpeg)
He hunah hian MZU Registrar Prof. Lalnundanga'n Vice Chancellor phalna laa convocation tan theih thu a puanfel hnuah Mizoram University Vice-Chancellor Prof. Dibakar Chandra Deka chuan kalkhawmte lawmna thu a sawi a. Degree, Gold Medal leh book prize winner lawmman hlanna hun hman a ni a. Registrar-in lawmthu sawiin Convocation a khar a ni.
MZU Convocation-ah hian MZU hnuaia zirlai 6385 te hnenah degree hlan a ni a. Vawiina inlan (candidates receiving degrees in person) 1113 zinga Doctor of Philosophy 147, Master of Philosophy 3, Master's Degree 486, Master's Professional 137, Bachelor's Degree 121, Bachelor's Professional 174, Gold Medalist 43 leh Book Prize dawngtu 2 te kutah degree leh lawmman hlan a ni.
Mizoram University hi kum 2001 khan din niin, tun dinhmunah Department 39 a awm a. Centre 2 te'n School of Study 10 ah UG, PG leh Ph.D programme an kalpui mek a. Affiliated College 40 leh Constituent College 1 a nei mek bawk.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News