Hnahthial District AIDS Prevention & Control Committee thukhawm; HIV/AIDS hri pai 18 hmuchhuak thar

Hnahthial Post | April 28, 2026, Aizawl: Vawiin chawhma khan DC Meeting Hall-ah Hnahthial District AIDS Prevention & Control Committee chu Additional DC, Pu Zothanmawia Khiangte kaihhruaiin an thukhawm a. Hetah hian District Profile chungchang bakah District Action Plan chungchangte ngaihtuah niin Mission AIDS Suraksha chungchang inhrilhhriatna hun hman a ni.

Meeting-a tarlan a nih danin April 2025 atanga March 2026 chhungin Hnahthial District chhungah HIV/AIDS hri pai hmuh chhuah thar mi sawm pariat (18) awmin chung zinga sawm (10) chu mipa niin a dang pariat (8) chu hmeichhia an ni a. Hmeichhia kai zingah hian naupai lai pathum (3) an tel a ni.

Hmeichhiat mipatna atanga kai hi 73.30% niin inchiuna thianghlim lo atanga kai hi 26.70% an ni a. HIV/AIDS kai thar zinga 6.70% te chu kum 15 leh kum 24 inkar niin kai thar atanga 33.30% te chu kum 25 leh kum 34 inkar an ni bawk. Kum 35 leh kum 49 inkar kai thar hi 60% niin kum 14 hnuai lam leh kum 50 chunglam hmuhchhuah thar an awm lo a ni.

Thutkhawmnaah hian Hnahthial District AIDS Prevention and Control Committee member-te an tel a ni.