Mizoram Larsap-in Delhi War Conference tum 108-na puala hun hmanah thu a sawi

Hnahthial Post | April 30, 2026, Aizawl: Mizoram Larsap, General (Dr) Vijay Kumar Singh, PVSM, AVSM, YSM (Retd), chuan vawiin khan khawvel indopui pakhatna hunlaia India atanga British ho tanpui dan tur ngaihtuaha inrawnkhawmna "Delhi War Conference" hriatreng nana Delhi Vidhan Sabha-a hun hman "108th Anniversary of the Historic War Conference 1918" chu telpuiin thu a sawi.

He ni pual bika symposium buatsaiha thu a sawiah, Larsap General (Dr) Vijay Kumar Singh chuan sipai dik takin lawmman a um ngai loh thu sawiin, mawhphurhna, zahawmna leh inpeknate hmangin ram tana thil tha thlen turin a bei zawk thin a ni, a ti a. Indopui pakhatnaa thawh hlawk tak India-in a phu anga hriat a hlawh tawk loh thu sawiin, sipai nuai 13 chuang tirh chhuah zinga 74,000 dawnin an nunna an chan phah a, hengte hi India Gate-ah hriatreng tawh turin a chuang a ni, a ti a. Mihring mai bakah India chuan sum leh pai leh hmanraw mamawh hrang hrangte pawh ram dang awpna hnuaia awm ni chungin a tum sak teuh thu a sawi a. Indopui pakhatna avanga India sipai nunna hlu tak chante chu zah taka hriatreng an nih tawh tur thu a sawi bawk.

Thupui atan “Pratham Vishvayudh aur Bharat,” (Khawvel Indopui Pakhatna leh India) tih chu hman niin, Larsap chuan hemi hriatrengna lehkhabu “Proceedings of the War Conference held at Delhi, 27th-29th April 1918,” tih chu a tlangzarh a ni.

He hun hi Delhi Legislative Assembly Speaker Pu Vijender Gupta chuan a kaihruai a. Gandhi Smriti and Darshan Smriti Vice Chairman Pu Vijay Goel leh Delhi Assembly Deputy Speaker Pu Mohan Singh Bisht te bakah sawm bik mi pawimawh dangte an tel a ni.