Sangha Man Runpui-Community neih mekah Nghakuai Chiah lawmman sem

Hnahthial Post | April 29, 2026, Aizawl: Vawiin khan Fisheries Secretary Er Lalrothanga chuan Tlabung -Khawthlang Tuipuia Sangha Man Runpui-Community Fish Harvesting ni hnihna a hmanpui a. April ni 28-a Nghakuai Chiah inelnaa tithate hnenah lawmman a sem nghal a ni.

Sangha man ni khatnaah hian sangha an man zawng zawng belhkhawm hi kg 151 a ni a. Heng mite hnenah hian lawmman hlan a ni:

1. Biggest catch of the event (Sangha man lian ber) = David Zonunsanga Mission Veng Aizawl Kg 9.720
2. Highest number of catches (Sangha man hnem ber)= F.Lalmuanpuia, Tuithiang Veng, Aizawl
3. Yuongest Angler (Sangha man kum naupang ber) = Samson Lalramdina, Salem Veng, Lunglei
4. Oldest Angler (Sangha man kum upa ber) = Lalnunsanga Varte, Mission veng, Aizawl.

Sangha man runpui hi April ni 30,2026 ah neih chhunzawm tum a ni.

Hemi ni vek hian Fisheries Secretary Er. Lalrothanga leh DFDO Lunglei te chuan Tlabung YMA runah Tlabunga sangha vulhtute leh dil neitute kawmin an harsatna te sawipuina hun a nei a. He hunah hian dil tui tling thei lo chungchang te, sangha chi tha neih dan tur kawng te, Sangha mantute tanpuina tur chungchang te, sangha chi intodelhna kawnga training pek dan tur te sawiho a ni.

Secretary chuan Tlabungah automatic water level tehna dah dan tur thlir zui a nih tur thu a sawi bawk a, hmasawn turin farmer te rilru a pawimawh ber tiin tumruhna nei turin a fuih a ni.