MZP-in Mizo Zirlai HSSLC Topper pathum chawimawina hlan dawn

Hnahthial Post | April 29, 2026, Aizawl: Vawiin ni 29 April, 2026 (Nilaini)-a Mizoram Board of School Education (MBSE)-in Higher Secondary School Leaving Certificate (HSSLC) 2026 result a tichhuak thei chu MZP chuan lawmawm a ti hle a. MBSE lamin kum dang anglo taka result bu an rawn buatsaih chunga result felfai tak zirlaite'n a an nghahhlelh em em an rawn chhawp chhuak thei chu MZP chuan lawmawm a ti hle a ni.

Kumin HSSLC exam-ah hian zirlai 12,243 in exam an hmachhawnin, zirlai 10734 ten hlawhtlinna an chang a. Overall pass percentage hi 87.67% niin kum hma lam 2025 aiin 6.57% in a sang zawk a. MZP chuan hetiang taka kum liam ta aia pass percentage rawn sang hi lawmawm a ti hle a, kumin a pawl 12 exam hmachhawn leh turte pawn result tha tak nei thei tura tura tan la sauh sauh turin MZP chuan a chah a ni.

Stream pathum(3) Arts, Science leh Commerce pass percentage kum dang aia a san zawkna hi Arts Stream-ah 5.8%, Science Stream-ah 3.61% leh Commerce Stream-ah 16.09 laiin a sang a, a bik takin Commerce Stream a hmasawnna nasa tak awm hi MZP chuan lawmawm a ti hle a, zirlaite'n a hetiang result tha an neih theih nan a thawkrim ber zirtirtute a fakin a chhuang hle a ni.

MZP chuan, HSSLC Examination 2026 a hlawhtlinna chang zawng zawngte an kal leh zelna turah duhsakna a hlan a, hlawhtlinna chang ve talo leh compartmental chance nei zawng zawngte pawh beidawng mai lo a bei chhunzawm zel turin a chah a ni.

MZP chuan, MBSE in a result a tihchhuah taka Stream pathum atanga Topper te chawimawina hun May ni 5, 2026(Thawhlehni) hian I&PR Auditorium-ah a nei leh dawn a ni.

SCIENCE STREAM

Topper: Lalmoipuia Lawmzual ( St. Paul's HSS)

ARTS STREAM

Topper: Lalnunhlui (St. Paul's HSS)

COMMERCE STREAM

Topper: Vanlaltleipuia (St. Paul's HSS)