Champhaiah heroin gram 327.87 man

Hnahthial Post | May 18, 2026, Aizawl: Kar kalta Inrinni (16 May) zing dar 9 khan Excise & Narcotics Staff te chuan Champhai leh Zote inkar Tuipui leiah heroin 327.87 grams (Hawng 28) leh a phurh nana hman Local Taxi Regn. No MZ04 B – 1607 chu an man a, he mi kaihhnawihah hian Thangmuanzova (32) S/o Thanglammanga leh Tinngaihliana (26) S/o L. Suanpauva (L) Ngur khua ve ve nia inchhal te chu an man nghal a ni.

Ruihlo avanga man hi ND&PS Act 1985 dan tlawh chhan a thubuai siam sak nghal an ni a, Vawiin vek hian court-ah thawn nghal an ni.