Hnahthial Post | June 26, 2026, Aizawl: Ni 25 June, 2026 zan dar 7 khan Mizoram State Legal Services Authority leh Student Bar Council, Gov't Mizoram Law College buatsaihin, 'Legal Talk 2026' chu Ignite Studio, Khatlaah neih a ni a, thupui atan "Common Subtle Legal Right Infringement in the Society: Remedial Action Thereof" tih chu hman a ni.
He hunah hian Panelist atan, Dr Hmingthanpuii Ralte, Asst.Prof., Gov't Mizoram Law College, Pu HT Lalmawizuala, MJS, Civil Judge - Cum-JMFC leh Pi Jessica Lallawmzuali, MPS, Dy.SP (Legal) te chuan thupui sawina hun an hmangin Moderator atan Zorinpuii Hlondo hman a ni.
Pu Vincent Lalrokima, Member Secretary, MSLSA chuan inlawmna thu leh report tawi pe in, Tv. Elisa Malsawmsanga, Vice-President, Student Bar Council 2025-2026 chuan Panelist te hnenah lawmthu sawina thilpek hlanna leh lawmthu sawina hun a hmang a ni.
Legal Talk-ah hian Panelist-te hnen aṭangin, Khawtlanga dikna chanvo in rahbelh sakna leh a chinfel dan kawng chungchang ngaihthlak a ni a, kalkhawmte chuan chutiang thupui hmanga Legal Talk neih a ni chu an hlawkpui thu an sawi a ni. He hunah hian Gov't Mizoram Law College aṭanga lo zir chhuak tawh bakah zirlai eng emaw zat an tel an a ni.
Legal Talk Programme hi LPS 10, Zonet Bawhbel leh Ignite Studio Youtube Channel-ah te live a pek chhuah a ni.
Tags
News