Fur chhunga In sak leh thil dang vanga lei laih leh a kaihhnawih kalpui lo turin District Bawrhsapin thu chhuah

Hnahthial Post | May 19, 2026, Hnahthial: Hnahthial District Bawrhsap Pi K Vanlalruati chuan ni 15th May, 2026 khan thu chhuah siamin, furpui lo thleng turah hian Disaster Management Act, 2005 Section 34(M)-in thuneihna a pek angin, Hnahthial Town chhungah In sakna tur emaw, thil dang emaw atana lei laih leh a kaihhnawih engmah kalpui lo turin thu a chhuah a. Lei laih leh a kaihhnawih mamawhna pawimawh/ṭul tak a awm a nih chuan thuneitute hnen aṭangin phalna lak hmasak phawt tur a ni.

He thupek hian May ni 15, 2026 aṭanga hman ṭan niin, thla thum chhung hman phawt a ni anga. He thupek bawhchhia chu Section 51-a tarlan angin kum khat chhung Lung In tan emaw pawisa chawitir emaw, a pahnih emaw a hremna pek an ni ang.