Hnahthial Post | May 5, 2026, Aizawl: All India Radio (AIR) kum 90 tlin lawmna kal zelah vawiin khan All India Radio Aizawl chuan Central YMA Hall, Tuikhuahtlang-ah Musical Concert an buatsaih a. IPRP&S Minister Pu B. Lalchhanzova’n khuallian niin hun a hmanpui a ni.
.jpeg)
IPRP&S Minister Pu B. Lalchhanzova chuan All India Radio kum 90 tlin chu lawmpuiin, Mizo hnam zia leh ṭawng vawn him kawngah ṭangkai takin hna an thawk a, Mizo hnam nun vawng himtu pawimawh tak an ni, a ti. Pu B. Lalchhanzova chuan tunlai khawvelah hnam ral tam tak an awm tawh tih sawiin hnam ziarang leh tih dan hrang hrang vawnhim kawngah theihtawp chhuah a ṭul thu a sawi a. Mizo thu leh hla chawi lar kawngah te, mahni hnam ngaisang tura inzirtir chungchangah te leh nun dan tha midang zirtir kawngah an thawh hlawk hle a ni, a ti bawk.
.jpeg)
AIR Aizawl Director leh Mizoram Cluster Head Pu DR Lalropuia pawhin All India Radio bul ṭan dan sawiin India ram zalên hma atang tawhin mipuite awi tleitu ber an lo ni tawh ṭhin a, thuthar puanchhuahna ringawt ni lovin India hmasawnna tura thawktu sawrkar leh mipuite thlunzawmtu tangkai tak an ni, a ti. Viksit Bharat 2047 hmalaknaah pawh Radio chuan mawhphurhna pawimawh tak a nei, a ti bawk.
.jpeg)
All India Radio hi June 8, 1936-ah din niin, New Delhi-ah Headquarters a awm a, AIR Aizawl hi India ram puma AIR Station 230 zinga pakhat a ni a. AIR kum 90 tlin pual hian AIR Aizawl chuan May ni 8, 2026-ah Walkathon a buatsaih dawn a, a lawmna pui ber chu June ni 8, 2026-ah Vanapa Hall-ah Chief Minister Pu Lalduhoma hoa neih a ni ang.
.jpeg)
Vawiin hun hmanna ah hian All India Radio Top Grade Artist Pi Vanhlupuii leh ‘A’ Grade Artist pali - Laltlanthangi Pachuau, Siampuii Sailo, C. Vansanga leh Rualthankhuma Chhakchhuak te chawimawina hun hman a ni a, zai leh lam nen hun hlimawm tak hman a ni.
.jpeg)
All India Radio kum 90 tlin lawmna pual hian All India Radio Aizawl pawhin kum 60 a tling a, hemi pual hian programme hrang hrang buatsaih chhoh mek a ni a. Aizawl mai bakah Cluster hrang hrangah hun buatsaih a ni.
Vawiin programme-ah hian Minister Pu B. Lalchhanzova chuan Top Grade leh ‘A’ Grade Artist te hnenah chawimawina memento a hlan a. Additional Director (Program) / Head of Programme, AIR Aizawl Pu Biakchungnunga chuan lawmthu sawiin hun a khar a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News