Hnahthial Post | May 25, 2026 Aizawl: Mizo Zirlai Pawl chuan tukin zing dar 7:30 aṭang khan Mizoram Tourism Office kai tur an dang.
Tun hnaia Pi Lalrodingi, sawrkar hna aṭanga pension tawh, OSD to CM bakah, Director Mizoram Tourism ni tura ruatna duh loin, Mizoram Tourism Office kai tur hi an dang a ni.
Tarlan tawh angin, MZP chuan Pensioner rawih nawn duh loin Chief Minister leh Minister hrang hrang an lo hmu kual tawh a. Rawih nawnna order chu CM-in ennawn tura a lo tiam hnuah, rawih nawn a nihna sut a ni a, OSD to CM nihna order chhuah a nih leh hnuah, Pi Lalrodingi hi Director, Mizoram Tourism ni turin ni 22 May, 2026 khan order hi a chhuak leh a ni.
MZP chuan Pi Lalrodingi, Director Mizoram Tourism a nihna hi sut a nih hma chu an dodal zel tur thu an sawi a ni.
