Hnahthial Post | May 22, 2026, Hnahthial: Vawiin hi Public Library Day niin Mizoram hmun hrang hranga hman rualin tukin zingkar khan Peniel Branch YMA Hnahthial te chuan Br YMA Hall-ah Public Library Day lawmna hun an hmang.
Public Library Day lawmna hi Library Committee Vice Chairman Pu FB MS Dawnglianan kaihruai in, Pu Samuel Fanchun President Peniel Br YMA chuan Public Library Day 2026 hawnna hun a nei a, Tv K Lalvenhima Secretary Library Committee in Report pe in, Tv K Lalrinchhunga Chairman Library Committee chuan thusawina hun a hmang.
Public Library Day pual hian Peniel Br YMA chuan May ni 16 khan Peniel vengchhunga zirlai te tan Essay Writing Competition a buatsaih a, lawmman semna hun hman nghal a ni a, hetiang hi Result a ni.
Middle & High School Level
1st - Angela Lalkhawngaihzuali d/o Fc Lallawmsiama
2nd - Lalremruati d/o F Lalramthanga
3rd - FB Lalchawimawii d/o FB Lalhmangaiha
Higher Secondary & College Level
1st - FB Lalnunfeli d/o FB MS Dawngliana
2nd - Elizabeth MS Dawngzuali d/o Laldinpuia
3rd - M Lalthlamuanpuia s/o M Vanlalhnaiha
Peniel Br YMA hian kum tin in Public Library Day hi alo hmang ṭhin a, Hnahthial District chhunga NGO Library ṭha ber award pawh lo dawng tawh in, Mizorama Public Library Day hmang ṭha lawmman pawh alo dawng tawh a ni.
Public Library Day lawmna kalzelah vawiin chawhma dar 10 aṭanga chawhnu dar 3 thleng Library hi hawn a ni dawn bawk a ni.
Tags
News