Hnahthial Town Sanitation Committee thukhawmin khawchhung faina kawnga hmalak dan tur hrang hrang ngaihtuah

Hnahthial Post | Sep 30, 2026, Hnahthial: Vawiin chawhma dar 11:00 khan DC Meeting Hall, Hnahthial-ah Hnahthial Town Sanitation Committee chu an Chairman leh District Bawrhsap ni bawk, Pi K. Vanlalruati kaihhruaiin an thukhawm a, Member Secretary leh DUDO ni bawk Pi Christina Lalnunfeli'n Mizoram Cleanliness Competition kalphung leh Intihsiakna tehfung hrang hrangte sawizauna neiin hmalak ngaihna te ngaihtuahho a ni. Pi Julie Hmingthantluangi, Inspector of Sanitation chuan Swachhata Hi Seva Campaign 2026 kalpui tawh dan report pein Street Sweeper rawih chungchang, veng fai inelna, school fai inelna, Best Practices chungchang leh Swachhata Champion & Local Brand Ambassadors appoint chungchangte sawi ho a ni.

Meeting kaihruaitu District Bawrhsap, Pi K. Vanlalruati chuan fai pawimawhna sawiin hriselna dinhmun thleng a nghawng theih dan te a sawi a. Nikum lamah Mizorama District khawpui fai inelnaah pakuana daiha kan awm chu pawi a tih thu sawiin kuminah erawh pakhatna kan nih em loh pawhin a fai ber pawla tel hman a tul thu a sawi a. Chumi atan chuan mawhphurhna changtu Department lam te, khawtlang hruaitu VC te, YMA leh a chhunga cheng mipuite chu kan tanrual a tul hle dawn a ni tiin kan fai dawn a ni tih chu rilruah intuh reng a tul thu a sawi a ni.

He hunah hian Superintendent of Police; Addl DC; SDO (Sadar); Project Director, DRDO; Chief Medical Officer; EE PHED; EE, PWD; DEO; SDEO; Principal, Govt Hnahthial College; I≺ President, YMA Sub-Headquarters, President, MUP Sub-Headquarters, President, MHIP Sub-Headquarters, President, MJA, Hnahthial khawpui chhunga VCP te leh khawpui chhunga Branch YMA President te an tel a ni.