Larsap leh Mizo Language Development Board hotute inkawm

Hnahthial Post | Sep 30, 2026, Aizawl: Mizo Language Development Board (MLDB) Chairman Pu R. Lallianzuala leh Secretary Pu Lalsangpuia te chuan vawiin khan Larsap General (Dr) Vijay Kumar Singh, PVSM, AVSM, YSM (Retd) chu Lok Bhavan-ah hmuin Mizo ṭawng tihhmasawn nana pawimawh hrang hrangte an sawipui.

He hunah hian Larsap General (Dr) Vijay Kumar Singh chuan Mizo Language Development Board hotute chu naupang tê tê leh hnam dang Mizo ṭawng zir tîr ten dik taka an lam rîk theih dan tura ziak dan zirtir ṭha a tih thu a sawipui a. Mizo Language Development Board-in lehkhabu chhuah kawnga an thawhpui atan Sahitya Akademi hotute lo biak a inhuam thu a hrilh bawk.

Larsap chuan Mizo ṭawng hmangtute khawvel pumah an inzâr pharh zau êm êm tawh thu leh Mizoram chu India rama ziak leh chhiar thiam tamna ber State kan nih tawh thu sawiin, India ṭawngpui Eighth Schedule-a Mizo ṭawng sengluh thuai a nih theih nan theihtawp chhuahpui a tum thu a sawi bawk.