Hnahthial | 5th October, 2023: Kumin inthlanpui lo awm tura inbuatsaihna kal zelah 3rd Oct khan Electoral Registration Officer (ERO), SDO (S) ni bawk Pu Neng Thianlala chuan inthlanna a mawhphurhna kengkawhtu hrang hrang team - Sector officers, Video Surveillance Team, Flying Squad, Static Surveillance Team, Video Viewing Team, Expenditure Monitoring Team-te training a neihpui.
He training-ah hian District Election Officer Pu Chuauhnuna chuan khuhhawnna a nei a, Hnahthial District in vawikhat nan inthlanpui a hmachhawn dawn thu tarlangin inthlanpui felfai leh langtlang neih a pawimawh hle a ti a, Ram roreltu tur thlanna chungchanga mawhphurhna kengkawhtu zawng zawngte chu thahnemngai taka thawk theuh turin a chah a. Inthlanna boruak tha leh muanawm tak a awm theih nan theihtawp chhuah turin a fuih a ni.
ERO Pu Neng Thianlala chuan Team hrang hrangte mawhphurhna leh hmachhawpte tarlangin hriatthiam loh hrilhfiahna hun te a nei a, team hrang hrangte nen harsatna awm thei leh sutkian dan te sawiho in hun hlawkthlak tak an hmang a ni.
Hnahthial District huamchhunga 29 South Tuipui Assembly Constituency-ah hian RO -1 leh ARO -2 awmin Sector 3 a then a ni a, Polling Station 27 a awm mek a ni.
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News