Hnahthial | 4th November, 2023: Hnahthial District Magistrate Pu Chuauhnuna chuan inthlan muanawm leh thianghlim tak a awm theih nan November ni 2, 2023 khan campaign programme huaihawt leh punkhawm chungchangah a hnuai ang hian thu a chhuah.
Mizoram Legislative Assembly Election, 2023 vote thlak hun atan November Ni 7, 2023 chu ruat a ni a. Hnahthial District chhungah inthlan boruak muanawm leh thianghlim tak a awm theih nan, section 126 (1) of The Representation of the People Act, 1951- in a tarlan angin Campaign Programme huaihawt leh punkhawm chungchangah Khapna thupek tichhuah a tul niin hriat a ni a. Chuvangin, Kei Chuauhnuna, District Magistrate, Hnahthial District hian CrPC Section 144, 1973- in thuneihna min pek hmangin Hnahthial District chhungah Dt. 05.11.2023 4:00 PM atanga inthlan zawh hun thlengin mi panga (5) aia tam punkhawm khap a ni tin ka puang e. He thupek zawm lo te chu IPC section 188- na hmanga hrem theih an ni ang. He thupek hian chhiatni leh thatni bakah kohhran inkhawmte, vote thlak tura kalkhawmte a huam lovang.
Vawiin November Ni 2, 2023 hian seal nen ka nemnghet a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News