Hnahthial | 4th November, 2023: Hnahthial District Election Officer Pu Chuahnuna chuan vawiin khan a office-ah chanchinthar thehdarhtute kawmin weekly press briefing a neihpui a, media-te tana Election Commission of India (ECI) buatsaih Authority letter a pechhuak nghal bawk.
Vawiin press briefing-ah hian District Bawrhsap Pu Chuauhnuna chuan inthlanpui lo thleng tura inbuatsaihna hrang hrangte tarlangin kalkhawmte chu hmachhawp la awm hrilhhriatna a nei a, mipui vantlangte thawh puina zarah boruak muanawm tak a awm zel chu lawmawm a tih thu a sawi bawk. District Election Officer chuan Mizoram Legislative Assembly 2023 inthlanpui neih tura ngenna bakah hriattirna hrang hrang an chhuah tak te tarlangin vote thlak hun tawp atanga chhiar leta darker 48 atangin TV-ah emaw hmanraw dang hmanga inthlan kaihhnawih thil tarlan leh tihchhuah khap tlat a nih thu te, ni 5/11/2023 chawhnu dar 4:00 atang chuan campaign hun a tawp tawh dawn avangin campaign chhunzawm phal a ni tawh dawn lo tih te a tarlang a ni. Candidate leh political party te chu he hun (silent period) chhunga inkhuahkhirhnate tha taka zawm tura ngen nghalin vawiina kalkhawmte chu thurawn in pe tawn a, inpuibawm tawn turin a sawm a, thawhhopuiah a sawm nghal bawk a ni. Vawiin briefing-ah hian DEO chuan Election Commission of India in chanchinthar thehdarhtute tana a buatsaih, Polling Station chhunga veivah phalna (authority letter for media persons for entry/exit into polling stations) a pechhuak nghal a, Hnahthial District chhunga MJA member-te leh local cable nei tu ten he Authority Letter hi dawng a ni.
Thu hmuhna: https://dipr.mizoram.gov.in/post/hnahthial-deo-in-chanchinthar-thehdarhtute-weekly-press-briefing-neihpui
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News