Hnahthial | 8th November, 2023: Nimin (7th November) a Mizoram Legislative Assembly Inthlanpui 2023 neih zawh takah Hnahthial District chhunga 29- South Tuipui bialah boruak muanawm tak hnuaiah inthlan chu tluang taka zawh fel a ni a, zing dar 7 vote thlak tan atanga chawhnu dar 5 thleng a vote tla chu 13685 niin za zelah mi 84.16 in vote an thlak a ni. Heng voters zinga 6938 chu mipa niin 6747 chu hmeichhia an ni a, hmeichhe voter aiin mipa voter chu 191 in an tam a ni. Nimin South Tuipui biala vote tla-ah hian Polling Station pahnih - 29/5 Aithur PS (116 voters) leh 29/22 Lungpuitlang (106 voters) PS ah za a za vote tlain 29/4 Cherhlun II PS ah vote tla tlem berin za ah 75.86 in vote an thlak a ni.
Hnahthial District chhunga South Tuipui bialah hian Model Polling Station atan 29/27 Denlung PS chu thlan niin Ropuiliani theme a chei a ni a, Hetah hian vote nei mi 106 awmin mi 101 in vote an thlak a, za zela vote tla chu 95.28 a ni. Young Voters Polling Station atan 29/25 Khawhri PS chu thlan niin vote nei mi 290 zingah mi 258 in vote an thlak a, za zelah 88.97 a ni. Hmeichhe hlang enkawl Polling Station (All Women Managed Polling Station) atan 29/6 Hnahthial-I PS ( 916 voters) leh 29/10 Hnahthial V PS (931 voters) te thlan niin heng PS a vote tla chu za zelah 82.21 leh 87.65 te a ni.
Vote tlak dan chipchiar zawkin a hnuaiah hian tarlan a ni.
VOTERS TURNOUT (POLLSTAR) FOR 29- SOUTH TUIPUI ASSEMBLY CONSTITUENCY, 2023
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Post Community
follow us on:
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News