Hnahthial Post | 8th December, 2023: Vawiin khan Raj Bhavan tualah Mizoram sorkar thar lak luh a ni ta a; Governor, Hari Babu Kambhampati chuan Chief Minister atan Pu Lalduhoma chu rinawmna thu tiamtirin a la lut a. Protem Speaker atan Pu Lalfamkima lalutin; Cabinet Minister pasarih leh Minister of State palite lakluhna a nei nghal bawk.
Cabinet Minister atana lakluh te chu Pu K. Sapdanga, Pu Vanlalhlana, Pu C. Lalsawivunga, Pu Lalthansanga, Dr. Vanlalthlana, Pu PC Vanlalruata leh Pi Lalrinpuii te an ni a, Minister of State atana lakluh te chu Pu F. Rodingliana, Pu B. Lalchhanzova, Prof. Lalnilawma leh Pu Lalnghinglova Hmar te an ni.
Sorkar thar lak luhna inkhawm hi chawhma dar 11-ah tan niin, Chief Secretary Dr. Renu Sharma, IAS chuan a kaihruai a. Larsap chuan Chief Minister Pu Lalduhoma leh Cabinet Minister mi pasarih leh Minister of State mi pali te chu ram Danpui hnuaia rinawm taka hnathawk tur leh sorkar thurûk vawng tha turin thu a tiamtir a ni.
Sawrkar thar lakluh inkhawmah hian Rev. Vanlalzuata’n hunserh hmangin Synod Choir ten “Ro min rel sak ang che” tih hla mawi takin an rem a ni.
Mizoram sorkar thar lak luhna inkhawmah hian Chief Minister kal chhuak ta Pu Zoramthanga leh Chief Minister lo ni tawh Pu Lal Thanhawla bakah MLA thlan thar te bakah Head of Administration chin official te, Minister te nupui leh fanaute leh sawm bik te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News