.jpeg)
Hnahthial Post | Sep 8, 2026, Hnahthial: Vawiin khan Cachar DC Conference Hall-ah Kolasib Bawrhsap Pu H. Dolianbuaia leh Cachar Bawrhsap Shri Rahul Kumar Gupta, IAS te an inhmu a. He hunah hian kumin October ni 30-a Vairengte-a Inter-State Border Festival neih tur chungchang leh hmasawnna tura thawhho dan tur pawimawh tak takte an sawiho.
.jpeg)
Bawrhsap pahnihte hian Vairengte-a Inter-State Border Festival buatsaih tur chu hlawhtling taka hman a nih theih nan theih tawpa thawhho an tiam a. He hunah hian infiamna hrang hrang - Futsal, Badminton, Volleyball leh Table Tennis te buatsaih a nih bakah, hnam lam chi hrang hrang entir a ni ang a, ATMA leh MZSRLM atangin stall hawn a ni dawn bawk a ni.
Hemi bakah hian thutkhawmah hian ramri hrula cheng mipuite ralmuang leh thlamuang taka an awm theihna tur te, ruihhlo dona kawnga tha thlah lova thawhho dan tur te leh hmasawnna kawng hrang hranga District pahnihte thawhho dan tur an sawi dun bawk.
.jpeg)
Bawrhsapte inhmuh rual hian Pu Lalrinpuia Varte,Kolasib District Superintendent of Police leh Cachar SP, Shri Partha Protim Das, IPS te pawh inhmu ve nghalin, an district huam chhunga dan kenkawhna (law enforcement) leh ruihhlo tawlhruk dona kawnga thawhho dan tur an sawidun bawk a ni.
Vawiin thutkhawmah hian Kolasib Bawrhsap hi Pu Lalmuanpuia, DRDO, Kolasib; Pu David A. Lalhmingchhuana, DIPRO, Kolasib; Dr Benjamin Lalduhawma, PD ATMA leh official dangten an tawiawm a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News