Hnahthial Post | 7th December, 2023: Zalen tarlan dain Serchhip District Jail-ah Vietnam mi Dahn tia hriat chu a la tang a, a tan hun tur bituk aia rei a tang tawh.
Kum 2020 Covid-19 hripui len laia East Lungdar a man, Vietnam mi mipa kum 25 Dahn tia hriat hi, Serchhip Dist jail-ah April ni 4, 2020 khan dah luh a ni a. Foreigner a nih angin kum 2 chhung tang tur leh Rs. 10,000 chawi tur leh, chawi tur a neih loh chuan thla 2 tan belh tur a ni.
He a tan hun chhung tur leh pawisa chawi tura tih hi pawisa chawi tur nei lo a a tan belh nen, nikum June ni 4 a a tlak fel vek chung pawhin tun thleng hian chhuah tir ngaihna awm lovin a la tang a, kum 1 leh thla 7 zet chu a chhuah theih hnuah pawh a la tang ta a ni.
Vietnam mi tang hi anmahni hnam tawng chauh thiam, hriatna tha lo bawk a nih avangin a chanchin hriat thui theih a ni lova. Central home Secretary leh External Affairs Addl.Secretary-ah te bakah Vietnam Embassy-ah te a chanchin hi Serchhip DC Nazuk Kumar khan a hriattir tawh hnuah leh, IG Prison-ah Jail Superintendent-in thla kalta November ni 10 a hriattir leh hnuah pawh chhuah tir theih dan tur lam hawi thu engmah hriat a la ni lo.
A awmna ramri hrul ni lo Vietnam daih a nih bawk si avangin a case kalpui zel ngaihna pawh awm lovin Serchhip Dist Jail ah hian a la tang a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News