Hnahthial Post | 2nd December, 2023: Huihchhuak tarlan danin, Hnahthial District 29-South Tuipui Assembly Constituency huam chhunga Vote tlate chu naktip November ni 4 hian chhiar a ni dawn a, hemi hun atan hian Hnahthial District Election Office chuan Media Centre changtlung tak siamin, Media Centre atang hian result pawh puan chhuah thin a ni dawn a ni.
Media Centre incharge Pi K. Ngosai, DIPRO Hnahthial District chuan Media Centre-ah hian Computer Set, Printer, Internet Facilities bakah Aurinna (Mike) dah a ni a, Vote hi round thuma chhiar tur a ni dawn a, round tina chhiar vote chhiar zawh te hi Counting Hall atanga Returing Officer in Media Centre-ah a thawn thla ang a, Media Centre atang hian result pawh puan chhuah thin a ni dawn a, kawng laka lak pen phal a ni dawn lo tih a sawi.
Hetih lai hian 29 South Tuipui-a Postal Ballote a thleng kim thawkhat tawh a, Service Voter hi thleng tur a la awm an rin thu Election thawktute chuan an sawi a, tun dinhmun-ah Service Voter leh Postal Ballot za (100) a thleng tawh a, kum upa leh vohbik ten in lama vote an thlak sawmnga (50) nen a vaiin za leh sawmnga te hi Returining Officer dawhkanah chhiar a ni dawn a, EVM chhiar hmain zing dar 8:00-ah chhiar a ni dawn a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News