Hnahthial Post | 5th October, 2024: Hnahthial District chhunga High School hrang hrang infiamna hmanga inelna 4th Hnahthial District Secondary School Games chu nimin 4th October, 2024 khan zawhfel niin HDVA Volleyball Court-ah Pu H Sangthanga DEO Hnahthial chuan kharna hun hmangin lawmman a sem nghal a, points 86 hmutu Gov't High School, Thingsai chu a pumpuiah pakhatna an ni.
Hnahthial District Secondary School Games 2024 hi tunkar Thawhtanni (1st October) atang khan neih ṭan niin High School 11 aṭangin Zirlai 300 chuang ten inelna hrang hrang:- 100m race (Boys & Girls), 200m (Boys & Girls), 400m (Boys & Girls), 800m (Boys & Girls), Marathon (Boys & Girls), Shotput (Boys & Girls), Long Jump (Boys & Girls), Javelin throw (Boys & Girls), Kalchhet (Boys), Kawikah (Girls), Volleyball (Boys & Girls), Table Tennis (Boys & Girls), Badminton (Boys & Girls) leh Football (Boys)-ah te inelna an hmachhawn a ni.
Inelna hrang hrangah hian a pumpuiah Gold - 7, Silver - 5, Bronze - 5 latu Gov't High School Thingsai chu pakhatna niin Rs 5000 + Trophy leh Certificate an dawng a, Gold - 4, Silver - 4, Bronze - 4 latu Gov't Southern H/S chu pahnihna niin Rs 3000 + Certificate an dawng a, Gold - 4, Silver - 3 leh Bronze - 3 latu Gov't H/S Hnahthial chu pathumna niin Rs 2000 + Certificate an dawng bawk a ni.
Hnahthial District Secondary School Games 2024-ah hian Gov't Southern High School Hnahthial zirlai naupang Stephen C Malsawmtluanga chu Best Boy niin K Lallawmawmi Gov't H/S Thingsai leh H Vanlalhmangaihi, Gov't H/S Thiltlang te chu Best Girl ni ve ve bawkin an pathum hian Rs 500 leh Certificate an dawng ṭheuh bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
