Hnahthial Post | 10th October, 2024: Hnahthial District Superintendent of Police atana Mizoram sorkar in a dah thar Manny Bhushan Singh chuan nimin khan a hna zawmin office a luah tan a, hemi hnu hian Hnahthial Sadar Police Station-a thawktute nen Hnahthial Police Station Conference hall-ah inhmelhriattirna leh inkawm hona hun an hmang.
SP Manny Bhushan Singh chuan thusawiin Mizoram hmun nuam taka hna a zawm thei chu lawmawm a tih thu leh Hnahthial district tan Police ten theihtawp kan chhuah zel ang a, hmun nuam takah chhuah i tum zel ang u tiin Staff ten official leh official lova harsatna an neih te chu a hnena thlen thin turin leh amah chu engtik lai pawh a staff leh mipuite harsatna sutkian theihna a neih chuan a in hawn reng thu a sawi. Amah hi 2019 batch regular recruit IPS (AGMUT Cadre) a ni a, Mizoram-a a hna a zawm hma hian Daman & Diu-ah SP in a lo awm tawh bawk a ni.
Hetih lai hian thla kalta September thla chhung khan Hnahthial District Executive Force hnuaia Police Station hrang hrangah case pathum ziah luh a ni a, case pahnih hi BNS hnuaia ziahluh niin pakhat hi non BNS hnuaia ziahluh a nih bawk. Hemi hun chhung vek hian Hnahthial Traffice Police te chuan lirthei dan bawhchhia sawmhnih pathum (23) an man a, hemi avanga an pawisa chawitir tlingkhawm hi cheng sing khat sangthum zanga (Rs. 13,500) a ni a, Lirthei dan bawhchhia man tam ber hi two wheeler a ni.
Thu hmuhna: WhatsApp Group
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
