Hnahthial Post | 29th October, 2024: Kan hma lawk ni 31 October, 2024 atanga ni 3rd November, 2024 chhung hian Pentecostal Youth Department of North East India General Conference2024 chu Hnahthial North -II VC area Playground-ah Hnahthial khawpuiin kan thleng dawn a, PYD General Conference, Traffic & Security Sub-Committee: Hnahthial-te chuan he inkhawmpui hi mipuiten buaina leh harsatna awm lova, hlim tak leh fel fai taka hman a nih theih nan leh lirthei chetsual leh intihpalhna thleng thei lakah kan him tlan theih nan Superintendent of Police, Hnahthial hnenah ruahmanna siamsak tura an ngenna angin Hnahthial SP, Pu Manny Bhushan Singh chuan khawtlanga thuneitute be rawn chungin General PYD Conference - 2024 a Hnahthial a neih turah a hnuaia mi ang hian lirthei tlan dan tur leh khuahkhirhna thupek a chhuah a. He thupek hi inkhawmpui hun chhung ni 31.10.2024 atanga ni 3.11.2024 chhunga hman tur a ni ang. Thupek hi zawm lo an awm a nih chuan dan hnuaiah action lak a ni ang. Tin, thihna leh hriat lawk loh chhiatna (Emergency) thilah chuan he thupek hi thlak danglam theih a ni ang.
LIRTHEI TLAN DAN TUR LEH KHUAHKHIRHNA TE:
- NO PARKING FOR MMV & HMV: NH-54 Electric veng Junction PWD Road Hnahthial PS Bazar Veng - Ropuiliani Hall - Nauhruaikawn inkar kawngah MMV leh HMV dah phal a ni lo.
- DROPPING ZONE:
i) Hmarlam atanga inkhawmpui tur lirtheia lo kalte chu Gate-tlangah an in drop ang a, an let leh ang.
ii) Chhim lam atanga inkhawmpui tura lirthei a lo kalte chu Bazarkawn-ah an in drop anga, Kanaan Veng lamah emaw an lo kalna lamah an let leh thei ang.
3. NO ENTRY:
i) Pu T. Sangchungnunga, Bazar veng te in lane(Atta - lane) ah two wheeler bak kal phal a nilo.
ii) Bazar Branch YMA Hall bul atanga Bazar lam panin eng lirthei mah chho zawngin kal phal a ni lo.
iii) Pu RTC. Lalsangluaia In bul junction Kanaan Veng atangin Bazar lam panin chho zawngin MMV leh HMV tlan phal a ni lo.
4. MOTOR PARKING:
i) Two Wheeler: Pu T.Sangchungnunga, Bazar Veng te in lane (Atta lane) hi Two Wheeler bik chauh park theih ani ang.
ii) LMV (Car/Bolero, etc): Heng hmunah te hian LMV engtik lai pawhin park theih ani ang.
a) Tennis Court phei, Lungleng Veng
b) Model Veng Biakin kawt
c) HDVA Volleyball Court bul, Peniel Veng
d) Ropuiliani Hall kawt leh kawngpui phei
e) Gov't HSS Office kawt zawl
f) Rallang tlang (Helipad), Electric veng
g) BRTF Canteen kawt phei, Electric veng
h) Nauhruaikawn atanga Thingsai road phei, Chanmari veng
iii) BUS: Heng a hnuaia hmunah te hiang BUS lian te chu engtik lai pawhin park theih ani ang.
a) KVK office bul kawt zawl leh a chhehvelah (LMV pawh chhim lama palai thleng te tan a dah theih ang).
b) NH-54 kawngpui zau lai apiangah a dah theih ang.
5. RESERVE PARKING:
Inkhawmpui chhungin inkhawm tura lirthei te chi (LMV leh two wheeler) a lo kal te chu hetiang hian an lirthei dahna tur a țul angin Traffic duty ten an ruahman thin ang.
i) Hmar lam atanga lo kal te:
Gate tlang-ah an in-drop anga, an let leh chu Gate tlang atanga hmar lam kawngpui dung a zau lai apiangah an ding thei ang.
ii) Chhim lam atang lokal te: Bazarah an in drop anga, Bazar atanga Nauhruaikawn inkar kawngpui zau laiah an ding thei ang.
Zan inkhawm tur leh Pathianni bikah chuan Bazar kawtah two wheeler leh LMV lirthei dah phal a ni ang
iii) VIP/Magistrate/Police/Ambulance leh Traffic & Security Sub-Committee/Official-te tan pavilion hnuai kawngpui kamah lirthei dahna tur ruahman a ni.
6. TAXI & AUTO RICKSHAW:
Dt. 02.11.2024 (Inrinni) zing dar 9:00 a.m atanga 11:00 a.m inkar bikah hian Taxi leh Auto Rickshaw te chu an stand, Bazar veng ah din phal ani lovang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News