Hnahthial Post | 14th January, 2025: Vawiin khan Chief Minister Pu Lalduhoma chuan a office ah Dr. Anju Gaur, World Bank Water Resource Specialist a kawm a. National Hydrology Project, Mizorama an kalpui mek chungchang leh World Bank kaltlanga hmalak theih chite a sawipui.
India ram pumpui water resource data neih tumin sawrkar laipui chuan Ministry of Jal Shakti kaltlangin World Bank nena tang dunin National Hydrology Project a kalpui mek a. Mizorama he hmalakna enpui turin Dr. Anju Gaur hi a rawn zin mek a ni. Dr. Anju Gaur hian Mizoram sawrkar hmalakna chu lungawithlak a tih thu Chief Minister hi a hrilh.
Chief Minister hian, ruahtui khawlkhawm theihna lian tham tak kalpuina tur Mizorama a awm thu a lo hrilh a. National Hydrology Project an kalpui mekah duhsakna hlanin tuihna humhalh leh tui lam kaihhnawih hmalakna, World Bank hnuai kalpui theih tur chi te a sawipui bawk.
Chief Minister hi Pu Vanlaldina Fanai, Commissioner & Secretary to CM leh Pi R. Lalrodingi, OSD to CM ten an tawiawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News