Hnahthial Post | 7th January, 2025: Vawiin chawhma khan Dr Vanlalthlana, Minister, School Education, Higher & Technical Education, Information & Public Relations leh Information & Communication Technology Department Pisa-ah kum 2025 atana inhlan tharna leh infuih tharna hun hman a ni.
He hun hi Minister Dr Vanlalthlana'n kaihhruaiin Rev. R. Laltlankima, Superintendent, Aizawl East District, UPC (NEI) chuan hunserh a hmang a; Minister Dr Vanlalthlana enkawl department hrang hranga officer-te an tel a ni.
Dr Vanlalthlana chuan kum kalta-a department official-te nen thawh hona ṭha tak an neih avangin lawm thu a sawi a. Kum thar a nih angin rilru thar puchung a ram leh hnam tan a theih tawp a thawk chhunzawm zel turin a department enkawl a thawktute chu a fuih a. Sawrkar chu thawh hona leh inrintawnna avanga kal thei a ni tih sawiin, inpawh tak leh inlungrual taka thawk ṭheuh turin a chah bawk a ni. Sawrkar chu mipuite ta a nih angin sawrkar hnathawk chu mipui rawngbawltu an ni a, an hnathawhnaah an rawngbawlsak mipuite chu dah pawimawh hmasak nachang hre zel turin a chah bawk a ni.
Hunserh hmangtu Rev. R. Laltlankima chuan, huaisen tur chuan mi dik nih a pawimawh thu sawiin ram hmasawn nan sawrkar hnathawkte chu dikna tan ngam mi huaisen an nih a tul thu a sawi bawk a ni.
Kum thar inhlanna leh infuih tharna ah hian Minister Dr. Vanlalthlana enkawl department hrang hrang aiawh a lo kalte nen inkawm hona hun hman a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News