Hnahthial Post | 11th January, 2025: Nimin (10th January)khan Lunglei District Magistrate Pi Navneet Mann chuan a hnuaia mi ang hian Lunglei District aṭanga tuialhthei phurh chhuah chungchanga mipuite hnena hriattirna a chhuah.
"Tunlai hian Lunglei District huam chhungah phalna nei lote'n ṭhenawm ram Myanmar leh ram danga hralh tur tuialhthei (petrol leh diesel) an phur chhuak ṭhin tih hriat a ni a. Tuialhthei phurh chhuah phalna/storage licence nei loa tuialhthei phurh chhuah (deliver/dispatch) hi Rule 3, The Petroleum Rules, 2002 chuan a khap tlat a; dan zawm lote chu na taka hrem theih an ni.
"Lunglei District huam chhungah tuialhthei (petrol leh diesel) indaih lohna a thlen loh nan te, mipui (consumer)-te'n harsatna an tawh lohna tur leh tuialhthei phur lirtheite'n chhiatna (kang) an tawh loh nan storage licence nei lote'n filling station/petrol pump aṭangin emaw, hmun dang aṭangin District pawna hralh chhuah tur tuialhthei an la chhuak tur a ni lo.
"He thupek zawm lote chu Section 23, The Petroleum Act, 1934 tlawh chhanin hremna pek an ni ang."
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News