Hnahthial Post | 11th February, 2025: Village Council Inthlanpui, 2025-a Hnahthial District chhunga Polling Station-a duty turte chu Hnahthial District Election Officer leh Bawrhsap ni bawk, Pi Rita Lalnunmawii Pachuau chuan DC office tual zawl atangin a vailiam.
Polling station tin a Presiding Officer (PRO) theuhte hnenah an mamawh tur hrang hrang - Voting Compartment, Ballot Box, Ballot Paper leh stationery bungrua chi hrang hrangte chu DC Office Dispatch Counter hnen atangin pek chhuah an ni a. Hemi hnu hian an Polling station theuhte chu duty turte hian an pan nghal a ni.
Hnahthial District chhungah hian Village Council 32 awmin Polling Station 36 a duty turte chu vawiin khan thawn chhuah an ni a. Village Council pahnih - VC09015, Lungpuitlang (General seat - 2; Reserved seat - 1) leh VC09031,New Kawnpuiah (General seat - 2; Reserved seat - 1) ah te ZPM chauh an din avangin chuhtu awm lo, Uncontested-ah puan an ni a. Heng hmun hnihah te hian Polling station hawn a ni ve ta lo a ni. ZPM dinna, VC09001, Aithur leh VC09014, Lungmawi a Reserved seats pakhat ve ve chuan chuhtu an nei lo bawk a ni.
Hnahthial District-ah hian General seat 100 awmin Reserved seat hi 34, a vaiin seat 134 a awm a. Party pathum (3) - INC, MNF leh ZPM te bakah Independent candidates ten seat an inchuh ang.
INC atangin General seat chuh tur candidates 64 awmin Reserved seat chuh tur candidates 19 an awm a. A vaiin candidates hi 83 an nei a ni.
MNF hian General seat candidates 86 neiin Reserved seat candidates 27 an nei a. Candidates hi a vaiin 113 an nei a ni.
ZPM chuan candidates ngah berin General seat-ah candidates 98 leh Reserved seats-ah candidates 34 an nei a. A vaiin candidates 132 an nei a ni.
Independent a ding tur hi General seat-ah candidates 20 awmin Reserved seats-ah candidates 4 an awm a ni.
General seat Candidates zawng zawng hi an vaiin 268 awmin Reserved seat Candidates hi 84 an awm a ni.
Inthlan hi naktuk, February ni 12 hian neih tur niin zing dar 7 atanga tlai dar 4 thleng vote hi thlak theih a ni dawn a ni. Vote hi zan dar 7-ah chhiar nghal tur a ni ang.
Hnahthial District chhunga inthlan neihna hmun tur, Polling station te chu :-
- Middle School, Muallianpui
- Govt. PS Bualpui H
- Govt. High School, Thingsai
- Govt. Middle School, Thingsai
- Govt. Middle School, New Ngharchhip
- Primary School, Ngharchhip
- Govt. RK Middle School, South Vanlaiphai
- Primary School-II, South Vanlaiphai
- Primary School-II, Cherhlun
- CRC Building, Cherhlun
- Govt. PS South, Chawngtui
- Primary School, Lungleng South
- Govt. Sawikunga High School, Darzo
- Govt. Middle School, Darzo
- Govt. Middle School, Tuipui D
- Govt. Primary School IV, Hnahthial North-I
- Govt. Southern High School, Hnahthial North-I
- Govt. Middle School, Hnahthial North-II
- Govt. Primary School-I, Chhipphir
- Govt. PS Bualpui-V
- Primary School, Lungmawi
- Primary School, Rawpui
- Community Hall, Khuanghlum Pangzawl North
- Govt. High School, Pangzawl South
- Primary School Phaileng
- Govt. High School, Thiltlang
- Upper Primary School, Maudarh
- Primary School, Rotlang E
- Govt. PS Aithur
- Primary School Khawhri
- Primary School, Leite
- Govt. Primary School, Denlung
- Primary School, Tarpho
- Middle School, Hnahthial South-I
- Govt. Primary School VI, Hnahthial South-II
- Govt. Primary School V, Hnahthial South-III
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News