Hnahthial Post | 11th February, 2025: Ramchhung hmun dang rualin nimin (10th February) khan Baptist English School (BES) Hnahthial-ah naupang kum 1 atanga kum 19 inkar ten rulhlut an pai lohna tura rulhut hlo pek beihpui leh rulhlutin a nghawng thalote inzirtirna hun - National Deworming Day (NDD), 2025 thawhkhatna hman niin Dr R Lalsanglura, Sr Medical Officer, District Hospital Hnahthial chuan hmanpuiin Rulhlut awm dan leh hriselna a tih chhiat theuh dan te, inven theih a nih dan leh inven dan tur hrang hrangte a hrilhfiah a, Zirlai naupangte chu kut sil fai dante an zirtir bakah naupangte hnenah Rulhlut hlo (Albendazole) an pe bawk a ni.
National Deworming Day 2025 thawhkhatna hi ni 10 - 17, February 2025 chhung awh tur a ni a, Rulhlut hlo hi Sub-Centre leh Anganwadi Worker te hnenah pek chhuah vek niin an huam chhung naupangte an eitir dawn a, ASHA te hnenah pawh an huam chhunga Rulhlut hlo ei rual, Anganwadi leh School kal lo naupangte ei tur hi pek chhuah a ni bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News