Hnahthial Post | 15th March, 2025: The Leprosy Mission (TLM) Mizoram, Hnahthial Chapter chuan nimin (14th March, 2025) khan BCM Biak In Venglai, Hnahthial-ah Rorel inkhawm neiin kum 2025-2026 chhunga Budget atan ₹ 3,37,000/- an pawm a, tun dinhmunah Mizoram-ah phar natna vei mi 16 vel hmuh chhuah niin hengte hi chhawmdawl an nih thu tarlan a ni bawk.
TLM Hnahthial Chapter rorel inkhawm nimin (14th March)-a neihah hian Kum 2026-ah Chapter Inkhawmpui neih, Kum 2026 Calendar siam, Chapter Group Choir neih chhunzawm, TLM Mizoram rawngbawlna hmun engemaw ber tlawh tura ruahmanna siam chhunzawm, Chapter hruaitu te'n Unit tlawh tih te chu pawm niin kum 2026 Phar Pual Pathian Ni pawh Unit te'n ruahmanna siam - a an hman theih nan Chapter hruaitu te'n hma la se an ti bawk.
TLM Hnahthial Chapter hnuaiah hian Unit 17 an awm mek a ni.
Tags
News