Hnahthial Post | 30th April, 2025: MZP Hqrs., Lunglei emergency meeting chuan ni thum chhung kawng an dan hnuah zanin (30.4.2025) dar 6 atangin kawng dan tih tawp an rel a, ni 2.5.2025 (Zirtawpni) zing dar 6 atangin total bandh an huaihawt dawn thung.
Lunglei MZP tarlan danin, naktuk chu mipuite'n an mamawh an lak khawm theihna hun atan ruahman a ni. An thil phut chungchangah Lunglei MZP chuan thu lawmawm engmah an hmuh lloh avangin total bandh neih hi an rel.
Lunglei MZP chuan mipuite'n an thlawpna zawng zawngah lawmthu a sawi a, an hma a lak leh zelna turah pawh tawiawm zel turin an sawmin, an ngen.
Tarlan tawh angin, Lunglei MZP hian Aizawl -Thenzawl - Lunglei kawng siamna tur sorkarin a pawtpeng niin an ngai a, dah let an phut a ni.
