Hnahthial Post | 10th May, 2025: Nimin khan KVK Lunglei District, Hnahthial chuan National Innovations in Climate Resilient Agriculture (NICRA) Project hmalakna hnuaiah Ran leh thlai a thlawna entirna hun, Tuipui D Community Hall-ah an buatsaih a. Dr Henry Saplalrinliana, Sr.Scientist & Head chuan sik leh sa inthlak nasa lutuk avanga ranvulhtute leh huanthlai neitute'n harsatna an tawh mekte an hriat avangin he hun hi buatsaih an nih thu a tarlang a. Tunlai thiamna leh finna hmang tangkai zel turin kuthnathawktute chu a chah nghal a ni.
He hunah hian KVK mithiam ten ranvulhtu leh huanthlai neitu ran leh thlaite ensakin, an mamawh dan ang zelin damdawite pawh a thlawnin an pe nghal a. Ui a danna vaccine 25 an pe bawk a ni.
Tuipui D khaw chhunga ranvulhtute leh huan thlai neitute chuan an khawchhung ngeia ranvulh leh huanthlai enkawlna kawnga an harsatnate sukiang tura NICRA Project hmanga KVK Hnahthiala thawktute hmalaknaah lawmthu an sawi a ni.
Tags
News