Hnahthial Post | 10th May, 2025: Ministry of Home Affairs, Govt. of India hmalakna a India ram hmun hrang hranga Civil Defence inbuatsaihna kal zelah ni 13 May, 2025 (Thawhlehni) zan dar 6:55 P.M - 7:00 P.M chhung hian Hnahthial khaw chhungah 'Black Out' neih a ni dawn a. Siren tih rik a ni ang a, minute 5 chhung power supply tih tawp vek a ni dawn a ni.
Hemi hun chhunga, Hnahthial khaw chhunga eng zawng zawng tih tawp vek tur a ni a. Mipuite pawh inverter/solar light leh adangte chhi lo turin kan inngen a. Tin, lirthei veivak te pawhin an awmna hmunah lirthei ti thi-in, eng pe chhuak thei hmanrua reng reng chu tih thih vek tur a ni.
Black out neih tur hi sorkar thupek ang a Civil Defence inbuatsaihna a ni a, mipuite tan chiaina tur a awm lo tih Hnahthial District Bawrhsap Pi K Vanlalruati chuan hriattirna a chhuah a ni. Tin, 'Black Out' neih chhung hian a chunga tarlan te hi tha taka zawm tur leh hemi chungchanga thu belhchian dawllo thehdarh lo turin District Bawrhsap chuan ngenna leh hriattirna a chhuah bawk a ni.
Tags
News