Orion - Chhohreivûng lehkha bu tlangzarh a ni
Hnahthial Post | 31st May, 2025: Vawiin chawhnu dar 1 khan Gov't Hnahthial College Auditorium-ah Upa K Lalsangluaia'n, 'Orion - Chhohreivûng' tih lehkha bu, Tv Joseph FC Lallawmkima, Bazar Veng Hnahthial ziah chu a tlangzarh.
Upa K Lalsangluaia, Principal (rtd), Gov't Hnahthial College chuan lehkha bu tlangzarhna hi neiin, Hnahthial khaw tlangvalin lehkhabu ṭha tak mai, hla thu ril leh ṭha tak tak inziahna a buatsaih thei chu lawmawm a tih thu a sawi a ni. Mizo literature humhalhna kawngah thalaiten an tangkaipui ngei a rin thu a sawi bawk.
Upa H Lalrinchhana, Lecturer, Mizo Deptt, Gov't Higher Secondary School, Hnahthial chuan lehkha bu thlir lawkna hun a nei a ni.
Lehkha bu tlangzarh inkhawm hi, Nl HT Lalzahngaii (Mami) chuan kaihruaiin, Rev T Lalawia, BCM Hnahthial Bazar Pastor Bial vawngtu chuan hunserh a hmang a, Nl C Ramengmawii Bazar veng chuan, Joseph Kimkima Fanchun lehkhabu a mi, 'Ka zui Krista hi' tih leh 'Ram ka vei' tih poetry chu chhiar chhuahna a nei a, lehkhabu ziaktu Joseph Kimkima Fanchun-in thu a sawi bakah Hnahthial khaw chhunga ziakmi te leh thu leh hla lama tuimite'n thu sawina hun an hmang bawk.
'Orion-Chhohreivûng' tih lehkha bu hi 'Lehkhabuk' Instagram page kaltlangin leh amah Joseph Kimkima Fanchun hnenah lei theihin a awm a ni.
Tags
News