Hnahthial Post | 21st May, 2025: Mizoram sorkar chuan May 19, Thawh-ṭanni khan village council (VC)-te'n Mizoram (Village Council) Act, 2025 hmanga pawisa an khawn (lak) theih zat tur a tichhuak a; VC-te'n property tax an khawn thei dawn.
Sorkar hriattirnaa tarlan danin, VC-te'n an huam chhungah property tax an khawn dawn a, Assam type-ah Rs 100, semi concrete building-ah Rs 150 leh concrete building-ah Rs 200 zel kum khat atan khawn remtih a ni.
VC-te'n pawisa an chawitir theih zat chu Rs 2,000 thleng a ni a, inrûn leh phatna atana an lak theih zat chu - mi rûnna atan a tam berah Rs 500 leh phatna atan a tam berah Rs 250 an la thei dawn.
An huam chhunga buaina a awma, VC-te'n thu an rem dawnin thu an remsak turte hnenah registration fee atan Rs 100 an lak remtih a ni bawk.
Tags
News