Hnahthial Post | 3rd June, 2025: Tunhnai ruahsur nasa tak avangin Electric Veng - 2nd Lane a chhungkaw 2, Pu Kaphrima leh Pi Lianpuii te In chu a thlang lawka Hnahthial By-pass kawng leimin avangin an in suan chhuak a, nimin khan thenrual tha ten an thiat.
Pi Lianpuii te hian an fapa belin Pu Kaphrima te chhungkua hi an á¹henawmte Inah an riak a, an thawnhnaw á¹henkhat chu an chhungte Inah dahin an In thiah zawh loh chokaah eirawng an bawl rih thung a ni. Heng In pahnih bula Pu Lalthanga In rel RCC pawh á¹hiah tura ruahman niin thu dawn a ni bawk.
Bazar Veng Hnahthialah pawh Pu Lalhmingliana Sailo, Pi Sangchhingpuii, Pu Vanlalrohlua, Pu Lalchawimawia, Pu Ngurkunga, Pu Lalthanmawia leh Pu C Laltlankima te In luah lai pawh a thlang lamah leimin leh khi a awm avangin an inthiar chhuak a, nimin khan YMA Bazar Branch chuan hnatlangin bungraw senghawi leh thingkih bakah Pu Lalchawimawia In zauhna te chu an á¹hiat bawk a ni.
Dinhmun hlauhthâwnawma ding mek chenna In zingah hian Pu Lalthanmawia In chu luah zui zel chi a nih tawh loh avângin YMA Bazar Branch chuan hnatlangin an á¹hiat leh anga, hun remchang hmasaah hmun dangah an sak sak dawn a ni.
Heng In thlanga Pi Rebek Laldinpuii leh Pu Lalduhawma, Kanaan Veng ve ve te In rel (RCC) pawh lei tlahniam avangin hlauhthâwnawmah awm mekin a awn a, nimin khan YMA Kanaan Branch chuan In sakna bungrua senghawi leh a theih ang anga á¹hiah hna an thawk a ni. Heng lai lei khi hi a la kal zel niin hriat a ni bawk.
Tags
News