Hnahthial Post | 10th June, 2025: Hnahthial District Bawrhsap, Pi K Vanlalruati chuan leivung paihna tur hmuna ruat bikah chauh lovah chuan leivung hrim hrim paih phal a nih lo thu thupek a chhuah.
Hnahthial khawpui chawmtu Tuichang lui hi fur lai chuan a nu in a blawhhlawh hle thin a. Hei hian mihring hriselna a khawih pawiin tui hi pump theih loh khawp a leivung paihte hian a tih bawlhhlawh thin avangin tui pump kawngah pawh harsatna kan tawh phah fo a ni.
Chuvangin Hnahthial District Bawrhsap Pi K Vanlalruati, chuan Section 163 of Bharatiya Nagarik Suraksha Sanhita, 2023 in thuneihna a pek angin 'Hnahthial District chhunga In hmun lai leh leivung paih tur reng rengin duh duhna hmunah paih phal a ni lo, a paihna tur a ruat bikah te chauh paih tur a ni.' tiin thupek a chhuah a ni.
He thupek zawmlo te chu Section 223 of Bharatiya Nyaya Sanhita, 2023 dan hmanga hrem theih a ni ang.
He thupek hi tul bik thila tih danglam a nih loh chuan tih chhuah a nih atanga thla 2 (hnih) chhung a huam ang.
Tags
News