Hnahthial Post | June 22, 2025: Academic Session 2024-2025 atangin Sorkar chuan pawl khat zir turin kum 6 tling lo admit an phal tawh loh avangin Hnahthial District Bualpui ‘H’-a Govt. Primary School-ah hian Kum 6 la tling lo, Kum 3 atanga kum 5 inkar naupang engemaw zat an awm avangin Zirtirtute leh khawtlang tha hnem ngaihna avangin Pre-School hawn belh a ni a. Kumin hian Pre-School-ah naupang 33 awm mekin , an vaiin naupang 111 leh zirtirtu pathum an awm mek a. Classroom chuang an neih loh avangin School Varandah-ah class an kalpui ve mai thin a. Furah harsatna an tawh avangin khawtlang tangrual chuan tunah hian Pre School zirlai tan Classroom an sak sak mek a ni.
Bualpui ‘H’ VCP, Pu MC. Lallawmawma chuan zirlai naupang an neih tam avangin School-ah an leng lova, khawtlang tangrualin an ngaihtuah hnuah school zauh hna hi an thawk a, VC lamin a senso hi an tumsak vek dawn niin a sawi a, zirtirtu pawh an indaih loh avangin VC te hian Pre-School bik a zirtirtu tur hi an rawih sak niin a sawi bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News