Hnahthial Post | June 22, 2025: Israel-ah hian chhanchhuahna lam thawktute leh chanchinbumite sawi danin mi 20 vel hliam tuar awmin Israel khawpui lianahte chhiatna nasa tak a thleng a. Iran Missile-te hian Israel rama hmun 10 velah kapin missile 20 atanga 30 vel Iran hian a kapchhuak nia hriat a ni.
President Donald Trump-a'n Iran nuclear hmunpui pawimawhte tihbo a ngaih thu a sawi hnuah, Iran chuan anmahni invenhimna atan engpawh an inhuam tih an sawi a.
Iran Foreign Minister Abbas Araghchi chuan tukina thilthleng hi a rapthlak thu leh a nghawng hi kumkhua daih tur a nih tawh thu sawiin US beihna chu U.N. charter, international law leh nuclear Non-Proliferation Treaty dan bawhchhiatna nasa tak a nih thu a sawi bawk.
Israel-ah boruaka beihna laka inralrinna siren a ri a, mi maktaduai tam tak chu pindan him leh bomb laka himna tur hmunah an tlan luh phah a ni.
Reuters-in a tarlan danin Israel-in a beih tan tirh atangin Iran-ah mi 430 vel thi awm tawhin mi 3,500 -in hliam an tuar tawh tih a sawi a. Israel-ah erawh chuan ram thuneitute sawi danin, civil mi 24 thi tawhin mi 1,272 vel hliam tuar an awm tawh bawk a ni.
Tags
News