Hnahthial Post | June 24, 2025: Israel Prime Minister Benjamin Netanyahu chuan Iran nen inkah hai a remti.
Iran chuan US in Iran nuclear hmunpui pawimawh a beih chhanlet nan nizan khan Qatar-a Al Udeid Air Base, West Asia-a US sipai te hmun pawimawh leh lian ber chu missile hmang in a bei a, Qatar-a US hotute chuan thi leh hliam an awmloh thu leh base chu tihruah lawk a ni a ti a, air defence system hmanga missile tehi lo dan a nih thu a tarlang bawk a ni.Iran in Qatar-a US sipai hmunpui a beih hma hian US chuan US mi Qatar a cheng mi 8000 chuang te chu hmunhim lama in saseng turin a ti lawk bawk a ni.
US airbase pakhat Iran-in missile hmanga a beih hnu lawkah US President chuan Iran leh Israel ten darkar reilo te ah inkahhai an puan tur thu leh ni 12 chhung a an inbeihna chu tihtawp a ni dawn tiin alo tarlang tawh a, Israel Prime Minister chuan U.S. President Donald Trump-a'n Iran nena inkahhai a rawtna chu a pawm thu a tarlang ta a ni. Israel Prime Minister chuan United States-in Iran a nuclear hmunpui a beih naa a tanpui avangin lawmthu a sawi a, inkahhai puanhnu-a bawhchhiatna engpawh a awm chuan Israel-in na takin a chhan let nghal tur thu a sawi tel bawk a ni. Hetih rual hian Iran Foreign Minister Abbas Araghchi pawhin Israel sorkarin Iran mipuite chunga dankalh-a a beihna te a tihtawp phawt chuan chhanlet a tum loh thu a sawi bawk a a ni.
Human Rights Activists News Agency (HRANA) in a tarlan dan in, June ni 22 thleng khan Iran-ah mi 865 an thih tawh thu leh an zingah hian sipai 215 an thi tih a tarlang a, mi 3,300 chuang in hliam an tuar thu a tarlang tel bawk a ni. Israel lamah mi 24 thiin, mi 600 chuangin hliam an tuar bawk a ni. Nizana Iran-in Qatar-a Al Udeid Air Base- a beih avang hian Qatar chuan airspace a khar a, hetihlai hian Bahrain, Kuwait, leh UAE te chuan airspace an khar lailawk chu a hawng leh tawh bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News