Hnahthial Post | June 17, 2025, Aizawl: Mizo Zirlai Pawl, General Headquarters chuan June ni 12, 2025(Ningani) tlai dar 4:00 khan Education Minister Dr. Vanlalthlana chu a Pisa ah hmuin, tun hnaia Samagra hnuaia hnalak bakah thil pawimawh hrang hrang sawipui a ni.
MZP chuan, Samagra hnuaia District hrang hranga diklo taka hnalak awm ngei ni a hriat thu Education Minister hnenah thlenin an sawipui a ni.
Education Minister chuan, complaint hmun hrang hrang atanga a dawn tawh thu leh fel fai taka compiled hnu a endik leh vek anih tur thu sawiin, Recruitment Rules in a tarlan ang ngeiin, heng hnalak hrang hrangah hian a tling leh tlakte ngei lak leh vek an nih tur thu a sawi.
Education Minister chuan, MZP hruaitute hnenah, diklo taka hnalak awm ni a lang te chu a rang thei ang bera chinfel a tum thu sawiin, zirtirtu aikal la chungchangah pawh hma an lak tawh thu MZP hruaitute alo hrilh.
MZP hruaitute chuan, Minister-in diklo a awm anih chuan huai taka an cancel tur thu leh hnalak diklo a mawhphurtu chuan an tawrh tur thu a sawi chu lawmawm an ti hle a, hnalak hrang hrang lo awm turah Minister te chu dik taka hnalak a nih ngei theih nan in rawlh zel se an duh thu an sawi bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News