Hnahthial Post | June 15th, 2025, Thingsai: Baptist Church of Mizoram Kristian Naupang Pawl (KNP) Thingsai Pastor Bial Inkhawmpui Vawi nga(5) na chu zanin khan a tiak.
Ni 13rd June,2025(Zirtawp) zan atanga BCM Biak In Nazareth, Thingsai a KNP Thingsai Pastor Bial Inkhawmpui neih tan chu zanin khan a tiak. Inkhawmpuiah hian Speaker atan Tv. Jonathan Lianhna hman niin Thupui atan "Isuan Naupangte a hmangaih'' hmangin thuchah ngaihthlak thin a ni a. Inkhawmpuiah hian Zaipawl, Group zai, Mimal zai, Bible Quiz leh Action recitation hmang te in nimin Inrinni lamah neih a ni bawk.
Intihsiaknaah hian Zaipawl intihsiakna atan Kristian Hlabu No 474, Mimal zai Mipaah Kristian Hlabu No 22, Hmeichhiaah No 253,Group Action recitation ah Sam 112:1-10, Mimal ah Sam 61:1-8 leh Bible Quiz Rom atangin inelna te hi an nei a. Thingsai Pastor Bial chhungah hian KNP Unit paruk(6) BCM Thingsai,BCM Gilgal Thingsai, BCM Nazareth Thingsai,BCM Bethel, BCM Bualpui 'H' leh BCM Bualpui 'H' South atangin Inkhawmpui hi an hmang a ni.Tun dinhmunah Thingsai Pastor Bialah hian KNP member zanga sawmli pakua(549) an awm mek a, zanin khan Inkhawmpui hi a tiak.
Vawin hi BCM Ni pawimawh Relief Sunday a ni a, Kohhran hrang hrang ten Thupui awmsa "Pathian lawm tlak inthawina" Hebrai 13:16 hmangin thuchah ngaihthlak a ni.
Tags
News