Rural Development &Adminitration Department Minister Prof.Lalnilawma hovin Project Rotling virtual review meeting neih a ni

Hnahthial Post | 12th June, 2025: Vawiin khan Prof.Lalnilawma Minister, Rural Development & Administration Department hovin Mizoram hmun hrang hrang a Project Rotling kalpui mek chungchang ah review meeting neih a ni.

“Project Rotling Hmasawnna Rahbi Thar” hi vawiina khuallian Prof. Lalnilawma hian June 27, 2024 khan a lo tlangzarh tawh a, he project in a tum ber chu MGNREGA Scheme hnuai a Convergence hmahruaina hmang tangkaiin inter leh intra Department bakah private leh public company CSR te thleng nen a tangkawpin, Mizoram tan a hmasawnna ruhrel chhuanawm tak, khawtlang leh mipui tan pawh a inhnangfakna tham leh inrochun zel na tlak khawp hmasawnna ruhrel din a ni.

Tun dinhmunah hian, Mizoram pum a RD Block 28 te project siam atanga project tha zual a ngaih RD Block 15 thlan chhuahah te kalpui tan mek tawh a ni a, a project hun tiam a zirin Category thum (3) a then an ni a, He Project Rotling atan a RD Block thlanchhuah 15 te leh an hnathawhna hmun tur te chu a hnuai ami ang hian a ni :-

Short Term Category ( kum 1 chhung a zawh hman tur a ruat) : Hemi hnuai a RD Block thlan chhuah te chu :-

Lunglei RD Blcok (Sairep )

Khawbung RD Block (Khawbung )

Reiek RD Block (Reiek & Ailawng)

Bilkhawthlir RD Block ( Bilkhawthlir South)

Lawngtlai RD Block (Lawngtlai Chanmary)

Medium Term Category ( kum 2/3 chhung a zawh tur a ruat) : Hemi hnuai a RD Block thlan chhuah te chu :-

West Phaileng RD Block (Damparengpui)

Siaha RD Block (Kaochao East)

Khawzawl RD Block (Rabung, Aiduzawl & Khualen)

Phullen RD Block (N. Khawlek)

Khawbung RD Block (Bungzung)

Long Term Category ( kum 5 chhung a zawh hman tur a ruat) : Hemi hnuai a RD Block thlan chhuah te chu :-

Hnahthial RD Block (S. Chawngtui)

Kawrtethawveng RD Block ( Kawrtethawveng)

Reiek RD Block (Ailawng, Reiek, Chungtlang, Rulpuihlim,W.Lungdar, Khawrihnim, Hreichuk)

Siaha RD Block (Lobo)

Thingdawl RD bLock (Thingdawl)

Meetingah hian Pu.R.Zarzosanga IAS Commissioner & Secretary , Pu.V.Lalengmawia MCS Addl. Secretary, Pu.Lalvenhima MCS Deputy Secretary, Mizoram hmun hrang hrang a Project Director te leh Block Development Officers te an tel a ni.