Hnahthial Post | July 9, 2025, Aizawl: Vawiin khan Mizoram Legislative Assembly Speaker Pu Lalbiakzama‘n Synod Conference Centre, Mission Veng, Aizawlah, ‘The Reflection of Mizo Nationality: with special reference to Hmar Culture” tih lehkhabu, Pu Hmingchungnunga ziah chu a tlangzarh.
Lehkhabu tlangzarhna inkhawmah hian Mizoram Legislative Assembly Speaker Pu Lalbiakzama chuan thusawiin, hnam nunphung zirchianna Lehkhabu pawimawh tak a tlangzarh thei chu lawmawm a tih thu a sawi a. Khawvel huap a lehkhabu hlu leh darhzau ni tur chuan a ziahna tawng (language) a pawimawh thu leh a hnam ang pawhin, saptawnga Mizo hnam chanchin ziahna lehkhabu chu hmasawn kan ngaihna lam tak a ni tih a sawi a. hun chep tak kara Lehkhabu tha leh belhchian dawl tak mai ziak thei tura a ziaktu inpekna fakawm a tih thu sawiin, miten Mizo hnam chanchin an zir bing duh hun a lehkhabu tangkai tak a nih ngei a rin thu a sawi a. Pu Hmingchungnunga lehkhabu ziah, ‘The Reflection of Mizo Nationality: with special reference to Hmar Culture’ chu Sap tawnga ziah lehkhabu buatsaih kawngah ziakmi dangte cho phurtu ni ngei se a duh tih sawiin, Zofate inpumkhatna tur leh khawvel ram tin a Zofate chanchin a darh theihna tura lehkhabu tangkai tak a nih ngei a beisei tlat thu a sawi bawk a ni.
Lehkhabu tlangzarh inkhawm hi Global Mizo Council, General Headquarters Chairman Pu JF. Rothangliana chuan kaihruaiin, Dr. PC Biaksiama’n lehkhabu thlirzauna hun a hmang a. A ziaktu, Pu Hmingchunghnunga hnen atangin thusawi ngaithlak a ni a. Pu Lalthangkunga Hmar chuan lawmthu sawiin hun hi a khar a ni.
Tags
News