Hnahthial Post | July 14, 2025, Aizawl: Vawiin khan Chief Secretary cum Chief Vigilance Officer Pu Khilli Ram Meena hovin Mizoram Anti-Corruption Bureau hotute chu Chief Secretary Conference Hall, MINECO-ah an thukhawm a, Mizorama ACB hnathawh kal mekte leh tun hnaia ACB hmasawnna leh hmalakna hrang hrangte an sawi ho.
Pu Khilli Ram Meena, Chief Secretary cum Chief Vigilance Officer chuan ACB Staff-te hnathawh chu fakawm a tih thu leh a thlawp tlat thu sawiin, ṭan la thar zel turin a fuih a, ram dan leh dunte uluk taka zir chianga, corruption dona kawnga theihtawp chhuah zui zel turin a chah a ni. He hunah hian Pi Betsy Zothanpari Sailo, Secretary Vigilance Department leh Vigilance Department-a Officer zawng zawng te, Pu J. Lalṭhafamkima, Director, ACB bakah SP, ACB leh Case i/o zawng zawngte an tel a ni.
Pu Lalbiakkila, Sr SP ACB report pek danin tun dinhmunah Mizoram ACB-te hian Case chhui lai (investigation) 12 leh Preliminary enquiry tih mek 13 an nei a, kum 2025 bikah hian regular case 4 chhui zo tawhin Preliminary enquiry chhui zawh tawh 7 an nei tawh bawk a ni.
Tags
News