Hnahthial Post | July 11, 2025, Denlung: Vawiin chawhnu dar 3 khan Denlung Br YMA Buatsaihin Vandula leh Ropuiliani lungdawh lawmna hun Denlung khua ah hman a ni.
Lungdawh leh Lalnu Ropuiliani thlan siamthar lehna hi Lalnu Ropuiliani tuchhuan Aithur lal fapa Pu Lalṭhuama Sailo, Kanaan Veng, Aizawl chuan a sum leh pai hmangin a chei ṭha a, Alfred Zothansanga Sailo chuan hma la in Lungdawh leh thlan chei that hi hna hi a thawk bawk a ni.
Lalnu Ropuiliani thlan chungchangah hian Denlung leh Ralvawng hian thlan hmun inchuh in boruak an lo nei ṭhin a, Vandula leh Lalnu Ropuiliani thlahte hian Denlung hi an Pi Ropuiliani thlan hmun ah an ngai a ni.
Alfred Zothansanga Sailo Lalnu Ropuiliani tuchhuan chuan he hunah hian thu sawi in, Kan Pi Ropuiliani thlan hmun hi puan chian chawp ngai khawpa chiang lovah kan ngai lova, Denlung hi a thlah ziding te'n kan pawm a nih anga min pawmpui mai tur leh he thlan hmun avanga chhungkua leh khawtlang kan in nghirho fo hi ṭha a tih loh thu a sawi bawk a ni. He hunah hian MZP Headquarters Hnahthial leh YMA Sub-Headquarters Hnahthial te chu sawm bik an ni a, pawl aiawhin thu an sawi ve ve a ni.
Pu Lalṭhuama Sailo thlan buatsaihtu chuan Denlung Br YMA hnenah hian lawmthusawina thilpek Ketli leh Dekchi a hlan a ni.
Programme te hman zawh a nih hnu in Lal lungdawh ah hian Chhâwnghnawh hun leh vantlang ruai kil ho a ni a, hun hlimawm tak hman ho a ni.
Tags
News