Maudarh khua a lei dawh chu load test neih tur a nih avangin kawng dan a ni dawn

Hnahthial Post | July 3, 2025: Maudarh khuaa lei dawh chu ABCI Infrastructure Ltd. ten load test an neih dawn avangin 05.07.2025 (Saturday) tlai dar hnih (2p.m.) atanga 06.07.2025 ( Sunday ) tlai dar hnih (2 p.m.) thleng kawng dan (Road Block) a nih tur thu Addl SP Pu Lalhmangaihhlua chuan hriattirna a ti chhuak.

Maudarh khua-a lei dawh (minor bridge) metres 17.305 a sei chu load test neih tura ruahman a ni a. ABCI Infrastructure Pvt. Ltd hnen atanga Road Block dilna lehkha ziaka hmuh a nih angin, mipuite leh Lirthei tlante kan him tlan zawk theih nan, Addl.SP Pu Lalhmangaihhlua, lirthei tlan dan tur chungchanga ruahmanna hriattirna ti chhuakin, ni 05.07.2025 dar 2:00 p.m atanga 06.07.2025 dar 02:00 p.m thleng helai kawngah hian lirthei eng chi mah tlan phal loh (Road Block) a ni tih thupek a chhuah a.

Road block lo diltu hian helai hmunah hian road block a ni tih mipuiten an hriat theih nan notice/ sign board an tar tur a ni, tih tarlang telin; He thupek hian khuarel chhiatna, kangmei leh emergency kaihnawiha duty, dan Ieh thupek pawimawh bika Police Ieh Magistrate duty-te chetvelna a huam lovang. He thupek hi zawm lo an awm a nih chuan MV Act Section-179 hmangin an chungah dan anga hma lak a ni ang.