Hnahthial Post | July 9, 2025: Prime Minister Narendra Modi leh Brazil President Luiz Inacio Lula da Silva ten kum 2030 thleng dollar tld 20 hu insumdawnna tur an rel.
Prime Minister Modi chuan Brazil nen dollar tld 12.2 hu a insumdawn tawnna an neih mek chu kum nga lo awm turah dollar tld 20-a tihpun an tum thu a sawi a. Nimina Brazil President nen Brasilia-a an inkawm naah kawng hrang hranga ram pahnihte an thawhdun tur thu a sawi a ni. Prime Minister chuan India-a digital hmanga pawisa inpekna digital payments infrastructure entawnin, Brazil-ah pawh UPI hman theihna tur ruahmanna an siam thu a sawi a, hei bakah hian loneih, ei tur sawngbawl, digital public infrastructure, space leh tehnology sector ah te thawhdun an rel tih a sawi bawk.
Prime Minister hi BRICS summit hmanga a kal naah hian Brazil sorkar chuan an rama chawimawina sang ber, 'Grand Collar of the National Order of the Southern Cross' a hlan a, President Silva chuan ram pahnihte inlaichinna tihngheh nana a thawh that avanga he chawimawina hi hlan an nih thu a sawi a ni. Prime Minister hian Brazil a hun a hman zawh hian Namibia a pan lehnghal a ni.
Tags
News